Second round-ah Prannoy leh Sen

Nimin khan HS Prannoy leh Lakshya Sen te chuan All England Open second round an lut. Indian tlangval pahnih hian game hloh lo ve ve in hnehna an chang thei a ni.

Badminton inelna ngaihhlutah, medal beisei ngam zinga mi Sen-a hian minute 48 chhungin Chou Tien Chen chu 21-18, 21-19 in a hneh, world number 5 nen vawi li an intawna a chakna hmasa ber ṭum a tawng.

Inkhel dangah world number 9 Prannoy chuan Tzu Wei Wang chu 21-19, 22-20 in a hneh, hnehna chang tur hian minute 49 chhung hun a hmang a, game hnuhnung zawkah hian che buai deuh dawnin lang hman mah se a tawpah a tho chhuak.

Birmingham khawpuia inelna neihah hian, hmeichhe singles lamah PV Sindhu a inlan dawn a, tun hma lama final hial lut tawh Saina Nehwal erawh tournament khelh dawnah a inhnukdawk leh hnuhnawh thung.