India U17 squad-ah Cindy

SAFF U-17 Women’s Championship khel tur India squad chu nimin khan head coach PV Priya chuan a puang a, Bangladesh-a inelna neih tura India aiawh tur player 20 zingah Armed Veng tleirawl Cindy Remruatpuii Colney a tel.

Inelnaah hian SAFF leh UEFA an thawk ho a, Russia pawh an tel dawn. India hian March 20, Thawhṭanni chawhnu dar 2:45-ah Nepal an hmachhawn ang a; hemi zawh hian Bangladesh (March 24), Bhutan (March 26) leh Russia (March 28) te an hmachhawn leh ang.

Cindy hi Mizoram football coach langsar Lalbiaksanga Colney fanu a ni a, cement chawhna khawla a pet lut lai 'video' chu a larpui hle. Armed Veng tleirawl Cindy hi infiamna thei tak a ni a, football-a Mizoram junior tana khelh tawh bakah cricket-ah pawh Mizoram junior team aiawhin a khel tawh bawk.

India Squad

Goalkeepers: Anisha Oraon, Khushi Kumari, Shreya Sharma

Defenders: Heena Khatun, Thoi Thoi Devi Yendrenbam, Juhi Singh, Akhila Rajan, Vikshit Bara, Nishima Kumari, Thoibisana Chanu Toijam

Midfielders: Menaka Devi Lourembam, Shilji Shaji, Babita Kumari, Shaulina Dang, Shivani Toppo, Shibani Devi Nongmeikapam, Lalita Boypai, Ribahunshisha Kharshiing

Forwards: Pooja, Cindy Remruatpuii Colney