Veteran champion Ditea's FC

G90's buatsaih - kum 40 chung lam inelna Veteran Football Tournament-ah Ditea's FC an champion, nimin tlai final hmuhnawm takah Electric Veng hnehin nomawi an chawi.

RG Stadium, Mualpuia inkhelah Ditea's FC leh Electric Veng te hi 2-2 in an inhnehtawk, penalty shootout hmanga chak zawk zawn niin, 5-3 in Ditea's FC an vannei ta zawk.

Ditea's FC tan penalty pet tu mi pangin an khung vek laiin, an khingpui Electric Veng lam player pahnih erawhin an hlah.

Champion team player S. Malsawmtluanga chu Best Player atan thlan a ni. Mizo football legend Mama hian final-ah hian an goal hnihna a khung. Goal sarih khungtu, Teenage FC tana khel Rohmingthanga chuan Top Scorer chawimawina a dawng thung.