Semifinal-ah Medvedev a lut

Daniil Medvedev chu a kerek hliam deuh mah se a inkhel tluan thei a, harsatna lian tham lutuk tawk loin Alejandro Davidovich Fokina 6-3, 7-5 in a hneh. Russian tlangval hian BNP Paribas Open semifinal a lut.

A match hmasa zawk­ah Medvedev hian Alexander Zverev a hneh, German tlangval nen an inkhelh ṭum hian a kerek a hliam. A ke hi na deuh mah se a inkhel tluan a, quarterfinal pawh a khel chhunzawm.

World number 1 hlui Medvedev chuan, "Inkhel tura ka inbuatsaih lai kha chuan ka kerek a na, match pangngai kan khelh hnuah erawh na hre loin ka awm thei, ka tan chuan thil lawmawm tak a ni," a ti.

BNP Paribas Open quarterfinal inkhel dang­ah Frances Tiafoe chuan Cameron Norrie lakah 6-4, 6-4 in hnehna a lo chang ve bawk a, semifinal lut tur chuan Medvedev a paltlang leh a ngai dawn.