CYMA Table Tennis inelna

Central YMA leh Mizoram Table Tennis Association (MTTA) chuan LBS SUZUKI Inter Branch YMA Table Tennis Tournament a buatsaih dawn a, April 11, Thawhlehni aṭangin Hawla Indoor Stadium-a khelh ṭan tura ruahman a ni a, April 8, Inrinniah ṭhuai hawnna (spin off) neih a ni ang.

Table tennis hmanga veng leh veng inelnaa entry fee hi Rs 500 a ni a, Central YMA Office-ah April 5, 2023 thleng pek theih a ni ang. Inelnaah hian mipa leh hmeichhe inelna a awm dawn bakah single leh team hmanga inelna a awm dawn. Single-a tel turte chuan entry fee pek rualin hming an pe tel nghal tur a ni.

Central YMA chuan TT inelna zawh hian football leh carrom inelna te a buatsaih leh ang. Nikum khan cricket leh volleyball inelnate hlawhtling takin a buatsaih tawh bawk.