Delhi Capitals captain tur Warner

Delhi Capitals captain Rishabh Pant chu lirthei chetsualnaa a inhliam avangin tun season Indian Premeir League atan ngai a awh hman lo a, Australia opener David Warner chuan captain hna a chelh ang.

Nikum December 30 khan Pant hi a chesual a, a lu, hnung leh keah hliam a tuar avangin zai a ngai hial. Police tarlan danin Pant hi car a khalh laiin a muthlu a, a car khalh hi vawi hnih a leh hnuah a kang bawk.

Warner chuan, "Rishabh hi hruaitu ṭha tak a ni a, a awm lo tur hi channa lian tak a ni," tiin a sawi. IPL hi March 31 aṭangin khelh ṭan a ni dawn a, Delhi hian April 1-ah Lucknow Super Giants an hmachhawn ang.