Gauff hnehtu Sabalenka

Australian Open champion Aryna Sabalenka chu Indian Wells khelh laiah pawh chak takin a kal zel. Belarus nula hian nimin zing khan Coco Gauff hnehin semifinal a inhlangkai.

Tun hma chuan Sabalenka hmanraw hlauhawm ber chu a service ṭha a ni ṭhin, mahse season hmasa khan a service ṭha tawk tlat lo - WTA hnuaia inelna bikah pawh vawi 428 zet double fault a nei hial, ani aia nei hnem an awm lo.

Indian Wells khelh laiah erawh Sabalenka tak tak kan hmu leh ta - Gauff lakah pawh a service hmasa aṭangin 87% zet point a hmu, a khingpui American tleirawl hi darkar khat chhung lekin 6-4, 6-0 in a hneh.

Kum 24 mi Sabalenka chuan, "Nikum nen chuan a inang lo hle, tun season atan chuan player dang daih ka ni tawh. A bik takin Grand Slam nomawi ka lak khan inrintawkna min siamsak hnem hle," a ti.

Seeded pahnihna Sabalenka hian vawiin chawhma lam hian seeded pasarihna Maria Sakkari a tum leh ang. Greek nula Sakkari hian seeded 15-na Petra Kvitova a lo hneh ve thung.

Nizan khan world number 1 Iga Swiatek leh Sorana Cirstea ten quarterfinal an khel a, result kan hre hman lo.