PV Sindhu a tla nghal

Badminton inelna All England Open-ah PV Sindhu chu chak ni hmel hmu loin a tla nghal. India nula chhuanvawr hian Nilaini zan khan Zhang Yi Man a hmachhawn a, minute 39 chhung lekin 17-21 11-21 in a chak lo.

Olympic medal vawi hnih la tawh Sindhu tan season duhawm lo a ni chhunzawm. Tun season chhungin tournament paliah ngawt hneh nei loin a zinkawng a lo tawp nghal tawh bawk, a sulhnu leh theihna chhutin thilmak a ni.

Sindhu hi nikum tawp lam aṭang khan hliamin a tibuai a, a inkhel lo rei hle. A hliam dam hnuah pawh ngai a la awh leh hleithei lo, a tan insiamṭha turin season hmabak erawh a la tam ang reng hle.

Mipa singles lamah Kidambi Srikanth chuan game hmasa hloh mah se Toma Junior Popov chu 19-21, 21-14, 21-5 in a hneh a, tournament tir lamah Lakshya Sen leh HS Prannoy te chuan first round an lo paltlang tawh bawk.