March 21-ah Subroto Cup khel tur Trial

SYS, MFA, School Education Dept leh MSSC ṭangkawp chuan Subroto Cup 2023 khel tur zawnna Preliminary Selection March 21-23, 2023 hian Aizawl leh Lungleiah an buatsaih dawn. Subroto Cup hi India ram pum school inelna a ni a, category pathum Under 14 mipa bakah Under 17 mipa leh hmeichhia a awm.

Registration hi March 21, Thawhlehniah chiah neih tur a ni a, hemi hnu hian hming a ziahluh theih tawh lo ang. Aizawl Champhai, Khawzawl, Saitual, Serchhip, Mamit leh Kolasib District te tan Rajiv Gandhi Stadium-ah neih a ni ang a; Lena Stadium-ah Lunglei, Hnahthial, Lawngtlai leh Siaha District ten trial an nei bawk ang.

Trial hmachhawn turten original birth certificate leh aadhaar card ken tur a ni.