Chelsea boss Graham Potter chuan Stamford Bridge-a a rilru tihlimtu player pathum hming a sawi ri a, Cesar Azpilicueta, Thiago Silva leh Mateo Kovacic te chuan an tihlawm thu a sawi. 
Potter chuan, "Chelsea nihphung leh kalphung hrethiam sa player kan neih hi a pawimawh hle. Tun hnai transfer-a kan chet dan en ila, Chelsea kalphung hrethiam sa player an awm hi a ṭul takzet - a chhan chu sawi mai bakah, thiltih hmanga hmahruaitu kan neih zel a ṭul.
"Azpi, Thiago leh Kova te hian min pui a, kan tan an ṭangkai takzet. Tun hnaiah harsatna kan tawk a, zep tur a awm lo - heng zawng zawng hi paltlang a, kan theihna tak tak kan pholan a ngai. Hma kan sawn hret a, mahse kan la duhkhawp lo. Hmasawn zel kan duh a ni," a ti. 
Chelsea hian match 21 chhunga vawi thum chiah hnehna an chan hnuin, tun hnaiah an insiamṭha a, an match hnuhnung pathumah an chak vek - Champions League quarterfinal hial an lut a, heng match pathumah hian Kovacic chu captain a ni vek a, Azpi leh Silva erawh hliam vangin an chawl mek. 
London club hi Premier League table-ah 10-na an ni mek a, season thara Champions League khelh a beiseiawm tawh lo - mahse, Potter-a'n champion a tum!
English coach chuan, "Everton hneh kan tum phawt ang a, chumi zawhah Champions League quarterfinal-a kan tum tur lam kan en ang a, Champions League nomawi chawi kan tum ang," a ti. 
Premier League-ah Chelsea hian zanin dar 11:00-ah Everton an mikhual dawn a ni.