Juve coach Allegri inringtawk

Champions League aṭangin an tla a, Serie A an point hmuhsa 15 paihsak an ni bawk - Juventus tan season harsa tak a ni. Hun harsa tawng mah se Old Lady coach Massimiliano Allegri chuan an thawh chhuah leh ngei theih a inring.

Europa League lamah Dusan Vlahovic-a'n goal a khung leh tawh a, hun rei tak hliam vanga buai Federico Chiesa chuan a dam tih nemngheh nan goal a khung bakah inkhelah danglamna a siam bawk.

Allegri chuan, "Ka naute rilru put hmang a dik tlat a, hetianga kan rilru a paukhauh a nih chuan sang tak kan la thleng thei," a ti. Serie A aiin Europa League hi Champions League ticket an ban phak awlsamna a nih a rinawm a, an ngai pawimawh ang.

Juve hian Pathianni zan dar 1:15 hian Serie A khel turin Inter Milan an lenchilh dawn. Inter pawh hi UCL khel chau ve tho an ni a, team pahnih tan league nomawi beisei ngam a ni tawh chiah lo.