Ferrari dinhmun a ṭha lo - Carlos Sainz

Carlos Sainz chuan a team Ferrari chuan season bul an ṭan fuh tawk lo tih a sawi a, a teammate Charles Leclerc nen Pathianni zan dar 10:30-a tlan tur Saudi Arabian Grand Prix atan pawh beisei an nei sang lo.

Tun season chhung intlansiak hmasa ber Bahrain Grand Pirx-ah khan Ferrari hian Red Bull an tluk lo, an duhthusam ang chiah result nei lo mah se nikum an hman dan nena khaikhin chuan season bul ṭan chhe tak an ni lem lo niin a lang.

Sainz chuan, "Mak tak maiin kan tlan chak tawk lo a, ngelnghet leh tluang taka tlan harsa kan ti bawk, season tir inbuatsaihna lamah kha chuan hetiang thil hi kan tawng lo," tiin a sawi.

Ferrari driver ṭha zawk Charles Leclerc hi hrem a ni dawn, 10-na aṭangin intlansiak a hmachhawn ṭan ve chauh ang. Intlansiak hmasa lama palina dinhmun luah thei Sainz hi Ferrari tana podium lawm thei zawk tura ngaih a ni ang.