Bayern khingpui tur Leverkusen

Bundesliga-ah champion lai Bayern Munich-in hma an hruai an leh ta a, chutihrualin Julian Nagelsmann-a hote hi point hnih chauha an san avangin vawi khat chetsuala a sang ber aṭanga tla thla thei an ni. Bavarians hian March 19, Pathianni zan dar 10:00 hian Bayer Leverkusen hmachhawn turin Bay Arena an tlawh ang.

Leverkusen tan champion beisei awm tawh lo mah se Xabi Alonso hnuaiah an insiamṭha a, Florian Wirtz-a dam hnuah an che ṭha lehzual. Kum 19 mi Wirtz hi German player zinga talent nei ṭha ber zinga mi a ni a, nikum March thla khan a inhliam avangin tun season ṭantirh match hmasa 16 ngawt a khel thei lo.

Tunah erawh Wirtz hi a dam tawh a, Leverkusen hian Europa League-ah quarterfinal an thleng. Pathianni zana an inkhelhna tur hi BayArena a nih bawk avangin Bayern tan chetsual theihna a ni a, fimkhur a ṭul dawn.

Chutihrualin Bayern hian German rawlthar zinga talent nei ṭha bera chhal ngam Jamal Musiala an kawl tih hriat a ṭha a, Robert Lewandowski awm tawh lo mah se Eric Maxim Choupo-Moting-a'n hmunruak a rawn luah khat ṭha. Season tawp lamah Sadio a rawn dam leh ta bawk a, Leverkusen tan Bayern dawl zawh a har ang.