Southgate-a'n a rin sate a la ring

England-in Euro 2024 qualifier-ah Italy leh Ukraine an hmachhawn dawn a, Gareth Southgate-a'n World Cup khel tura a koh loh Ivan Toney ko bawk mah se a rin ngaite bawk a la ring. Three Lions squad-ah hian Manchester United leh Manchester City-a khelhna hmun chang tam lo Harry Maguire leh Kalvin Phillips te an tel!

Qatar-a zin zingah player panga koh loh an awm a; Liverpool right-back Trent Alexander-Arnold, defender pahnih Conor Coady leh Ben White, forward Callum Wilson leh Raheem Sterling (inhliam) te an tel lo.

White hi mimal thil avangin Qatar aṭangin a haw a, Southgate nen an inhmuh thiam loh vanga haw anga ngai pawl pawh an awm. England manager Southgate chuan, "Right back-ah player kan ngah a, tun dinhmuna anni (White leh Alexander-Arnold) chunga dah pathum kan nei a ni," tiin Reece James, Kieran Trippier leh Kyle Walker te chu White leh Alexander-Arnold te aia a duh thu a sawi.

England squad

Goalkeepers: Jordan Pickford (Everton), Nick Pope (Newcastle), Aaron Ramsdale (Arsenal)

Defenders: Ben Chilwell (Chelsea), Eric Dier (Tottenham), Marc Guehi (Crystal Palace), Reece James (Chelsea), Harry Maguire (Manchester United), Luke Shaw (Manchester United), John Stones (Manchester City), Kieran Trippier (Newcastle United), Kyle Walker (Manchester City)

Midfielders: Jude Bellingham (Borussia Dortmund), Conor Gallagher (Chelsea), Jordan Henderson (Liverpool), James Maddison (Leicester City), Mason Mount (Chelsea), Kalvin Phillips (Manchester City), Declan Rice (West Ham)

Forwards: Phil Foden (Manchester City), Jack Grealish (Manchester City), Harry Kane (Tottenham), Marcus Rashford (Manchester United), Bukayo Saka (Arsenal), Ivan Toney (Brentford)