Serie A goal khung thei upa ber Ibra

Zlatan Ibrahimovic chu Serie A goal khung thei upa ber a ni. Swede striker hi kum 41 mi a ni tawh - AC Milan tan penalty a chhuih lut a, mahse a club hi Udinese lakah 3-1 in an chak lo.

Italian football inelna sang berah hian Alessandro Costacurta (kum 41 leh ni 25) chu goal khung thei upa ber a ni ṭhin, hun rei tak chhung record lo awm tawh hi Ibra (kum 41 leh166) chuan a rawn khum.

Ibrahimovic hi a kum a tam tawh bakah hliamin a tibuai fo, January 9, 2022 hnua goal a khung lehna hmasa ber a ni a, a team chak pui zo lo mah se atan chuan zan chhinchhiah tlak a ni tho.

Serie A champion lai Milan tan hian nomawi humhim a beisei awm tawh lo, league match 27 aṭanga point 48 hmuin palina an ni mek - hmahruaitu Napoli chu point 20 tehmeuhin an phak lo - Naples club hian match khatin an la khel tlem bawk.