Cancer ngamtu Brooks a inlan

Wales winger David Brooks chu cancer natna avanga hun rei tak a chawlh hnuah Inrinni zan khan Bournemouth tan a inlan. Cherries hian Villa Park-ah Aston Villa 3-0 in hneh lo mah se Brooks a rawn kir hi chanchin duhawm a tling.

October 2021 khan Brooks hian cancer a vei tih hmuhchhuah a ni a, May 2022 khan cancer natna aṭangin a fihlim. Kum 25 mi Brooks hian ni 536 chhung a chawlh hnuah bench aṭangin minute 79-naah a lut.

Bournemouth chuan, "Hun duhawm bik a ni," tiin social media-ah an tarlang. Cherries boss Gary O'Neil pawhin, "Club chhunga mi tute pawhin an ngai hlu," tiin a sawi bawk.

Brooks hian Wales tan match 21 a khel tawh a, Euro 2020-ah khan ram tan match thum a khel. Inrinni zan hmaa Cherries tana a khelh hnuhnun ber chu September 29, 2021-a Peterborough an hmachhawn daih tawh kha a ni.