Portugal squad-ah freekick ropui khungtu Ronaldo

Portugal manager thar Roberto Martinez chuan Inrinni khan Euro 2024 khel tur squad a puang a, kum 38 mi Cristiano Ronaldo a tel. Portuguese forward hian Portugal squad-a a awm lawm nan Inrinni zan khan Al-Nassr tan yard 35 aṭangin freekick ropui a khung.

Al-Nassr hian Saudi Pro League-ah Abha an mikhual a, mikhual team hian first half-ah Addulfattah Mohammed hmangin 1-0 in hma an hruai. Ronaldo-a'n hla tak aṭangin minute 78-naah freekick a khung a, siphurh a sut.

Minute 86-naah Al-Nassr hian penalty an hmu a, Ronaldo hian top scorer ni thei dinhmuna ding Talisca chu a kian leh bawk. Brazilian striker Talisca hian chakna goal a khung.

Ronaldo-a'n Saudi Pro League a khelh hnuah pawh hming a la chher thei a, Portugal coach Martinez pawhin ram tana khel turin a la ring tawk. Everton leh Belgium coach hlui Martinez chuan, "Kum ka en lo. A tawnhriat ṭha tak aṭang hian player naupang zawk tan inzirna tur a la awm a, team tan a la ṭangkai thei bawk," tiin a thlan chhan a sawi.

Portugal hian March 23, Ningani zan hian Liechtenstein an mikhual dawn a, March 26, Pathianni zanah Luxembourg an tlawh leh abwk ang.

Portugal Squad

Goalkeepers: Diogo Costa, Jose Sa, Rui Patricio

Defenders: Antonio Silva, Danilo Pereira, Diogo Liete, Goncalo Inacio, Joao Cancelo, Diogo Dalot, Pepe, Nuno Mendes, Raphael Guerreiro, Ruben Dias

Midfielder: Bruno Fernandes, Joao Palhinha, Joao Mario, Matheus Nunes, Otavio, Ruben Neves, Vitinha, Bernardo Silva

Forwards: Cristiano Ronaldo, Diogo Jota, Goncalo Ramos, Joao Felix, Rafael Leao