Flick-a'n Germany thar din a tum

20th March, 2023

Germany-in FIFA World Cup-ah first round an paltlang thei lo a, Hansi Flick-a'n team thar a tum tih lantirin March thlaa international match atan ram tana la khel lo player panga ngawt a ko.

Flick-a player koh tharte chu Brentford winger Kevin Schade, Augsburg forward Mergim Berisha, Wolfsburg midfielder Felix Nmecha, Stuttgart defender Josha Vagnoman leh Borussia Dortmund defender Marius Wolf te an ni a, khelhna hun an nei vek ang em tih erawh Peru (March 25, Inrinni zan) leh Belgium (March 28, Thawhlehni zan) nen friendly match an khelh hunah a hriat ang.

Germany hian Euro 2024 thleng dawn a, qualifier khelh ve a ngaih loh avangin Flick-a'n player naupang zawk a enchhin hi a mak hran lo. Squad-ah hian Real Madrid defender Antonio Rudiger, Bayern Munich winger Leroy Sane, Bayern Munich forward Thomas Muller leh Man City midfielder Ilkay Gundogan te koh an ni lo thung.

Rudiger koh a nih loh chhan hi hahdamna hun pek a duh vang a ni a, Muller erawh player naupang zawkten khelhna hun an neih theih nana tih a ni thung. Flick-a'n March thla tir lam khan Muller a koh loh tur thu hi a lo sawi tawh.

Inhliam vanga World Cup khel thei lo Timo Werner chu squad-ah telh a ni a, captain Manuel Neuer erawh ke ruh tliak vangin a chawlh rih a la ngai thung.

Germany Squad

Goalkeepers: Bernd Leno (Fulham), Marc-Andre ter Stegen (FC Barcelona), Kevin Trapp (Eintracht Frankfurt)

Defenders: Armel Bella Kotchap (Southampton), Matthias Ginter (Freiburg), Christian Gunter (Freiburg), Thilo Kehrer (West Ham United), David Raum (RB Leipzig), Nico Schlotterbeck (Borussia Dortmund), Josha Vagnoman (Stuttgart), Marius Wolf (Borussia Dortmund)

Midfielders: Emre Can (Borussia Dortmund), Leon Goretzka (Bayern Munich), Mario Gotze (Eintracht Frankfurt), Kai Havertz (Chelsea), Joshua Kimmich (Bayern Munich), Jamal Musiala (Bayern Munich), Felix Nmecha (Wolfsburg), Florian Wirtz (Bayer Leverkusen)

Forwards: Mergim Berisha (FC Augsburg), Niclas Fullkrug (Werder Bremen), Serge Gnabry (Bayern Munich), Kevin Schade (Brentford),Timo Werner (RB Leipzig).