Goal ruk khungtu Dortmund

Borussia Dortmund-in Champions League nomawi beiseina a tawp hnuah Schalke lakah an chesual a, match hnih chhung chak hmel an hmuh loh hnuah insiamṭhain Inrinni zan khan FC Cologne 6-1 in an sawp.

Dortmund tan Raphael Guerreiro-a'n minute 15 lekah goal hmahruai a khung a, Sebastian Haller leh Marco Reus ten goal hnih ve ve khung belhin Donyell Malen-a'n goal khat a khung bawk. Captain Reus hian inkhelh banah Dortmund-a a hun tawp hman a duh thu a sawi.

Edin Terzic hote hian match 25 aṭangin 53 points an hmu a, Bundesliga-ah hmahruaitu ni mah se nizan inkhela Bayern Munich-in Bayer Leverkusen an hneh chuan pahnihnaah an la thla leh ang.

Nizan inkhel dangah Champions League beisei zinga mi RB Leipzig chuan VfL Bochum 1-0 in an hneh lo. Leipzig hi pathumnaah awm chhunzawm mah se palinaa tla thei dinhmunah an ding.