All England champion Li Shifeng

Badminton inelna ngaihhlut zinga mi All England Open chu Pathianni zan khan khelh zawh a ni. Mipa singles huangah Li Shifeng chuan Shi Yu Qi chu 26-24, 21-5 a hnehin a champion.

Chinese tlangval Shi Feng tan badminton a khelh hun chhunga a nomawi chawi hlut ber a ni. Shi Feng chuan, "Ka lawmna hi thua sawifiah mai theih a ni lo, ka duhthusam a thleng dik a, title dang lak tumin ka thawkrim chhunzawm ang," a ti.

Hmeichhe inelna lamah An Se Young chuan Tokyo 2020 Olympics gold medallist Chen Yu Fei hnehin a champion. South Korean nula hian Chinese player hi 21-17, 10-21, 21-19 in a hneh.

Kum 21 mi An-i chuan, "Final chauh a ni lo, tun tournament chhung zawngin ka khel ṭha em em a, ka tan chuan hriatreng tawh tur thil a ni," a ti. Semifinal-ah Tokyo Olympics silver medallist Tai Tzu Ying a hneh bawk a ni.