Sabalenka hnehin Rybakina a champion

Pathianni zana khelh zawh tak Indian Wells hmeichhe inelna lamah Elena Rybakina a champion. Rybakina hian Australian Open final-a a hneh loh Aryna Sabalenka chu 7-6 (13-11), 6-4 in a hneh.

Tun hmain Rybakina hian Sabalenka hi a hneh thei ngai lo, an intawn vawi ngaah tun ṭum hi a chak vawi khatna a ni chauh. WTA Masters 1000 title a lak vawi khatna a nih bawk avangin a hlu zual ang.

Rybakina hian final kalkawngah champion lai Iga Swiatek pawh a hneh. Season hmasa khan mi rin hlawh ni phak lo chungin Wimbledon title a lo la tawh bawk, a tan season duhawm a nih chhunzawm theih a rinawm.