Murray tan Citi Open wildcard

US Open inbuatsaihna tournament Western & Southern Open atan Andy Murray chu wildcard pek a ni a, hard court inelna lian hmachhawn turin Britain tlangval tan kawng a inhawng zel.

Murray hian 2008 leh 2011 khan Cincinnati-ah hian hlawhtlinna a lo chang tawh. Kuminah hian hliam dam hlim leh singles match pangngai hun rei tak a khelh loh hnua inlan leh chauh tur a nih avangin a lakah beiseina a sang lo.

August 20-28 chhunga tournament khelh turah hian Rafael Nadal, Novak Djokovic, Daniil Medvedev, Grigor Dimitrov leh Marin Cilic te an inlan dawn a, inhnukdawk an awm leh hnuhnawh a nih loh chuan player langsar an inlan hnem dawn.