Haaland a inhliam

Manchester City striker Erling Haaland chu ṭhal (groin) hliam vangin Norway squad aṭangin a inhnukdawk a, Euro 2024 qualifier-a Spain leh Georgia an hmachhawn turah a tel dawn lo.

Norway coach Stale Solbakken chuan, "Erling hian a khel thei dawn lo tih a hriat hian pawi a ti hle a ni," tiin a sawi. Haaland hian an ram tan hian September 2019 aṭang khan a khel ṭan a, match 23 aṭangin goal 21 a khung.

Man City tan Haaland hian tun season inelna hrang hrang match 37 aṭangin goal 42 a khung tawh a, Pep Guardiola hote hian April 1 hian Etihad Stadium-ah Liverpool an hmachhawn dawn. April thlaah City hian UCL quarterfinal (Bayern Munich) leh FA Cup semifinal (Sheffield United) khelh tur an nei bawk.