Germany squad aṭangin Musiala a inhnukdawk

Bayern Munich midfielder Jamal Musiala chu malpui hliam vangin Germany squad aṭangin a inhnukdawk. International break zawh hian Bundesliga-ah Bayern Munich leh Borussia Dortmund te an inkhel dawn a, tun dinhmunah Dortmund hi hmahruaitu zawk an ni.

Germany coach Hansi Flick hi Bayern manager hlui a ni a, tun ṭum friendly match-ah Thomas Muller leh Leroy Sane te a ko lo. Euro 2024 hi Germany-in an thlen dawn avangin Flick-a hote tan qualifier khelh a ngai lo a, Bayern manager Julian Nagelsmann-a tan Muller leh Sane tel lo hi chanchin lawmawm a ni zawk ang.

Bavarians hian Pathianni zan khan Bayer Leverkusen 2-1 in an hneh lo a, Jamal Musiala hi bench aṭangin a lut. Flick chuan, "Jamal hian theihna sang tak a neih avangin dam ṭha se kan ti vek. A tel ve thei lo tur hi pawi kan ti a, a dam ṭhat leh thuai kan beisei," tiin a sawi.