Serie A ṭan hun September 19
Italy rama football inelna sang ber Serie A 2020-21 season chu September 19, Inrinni aṭangin khelh ṭan a ni dawn. Ruahman lawk dan chuan match hnuhnung ber chu nakkum May 23-ah khelh a ni ang.
Covid-19 vangin kumin March aṭanga June thla thleng khan Italian football a buai. Pathianni zan khan season hmawr bawkna an nei ve chauh, season thar ṭan tur hi an ruahman lawk aiin chawlh kar khatin a tlai zawk.
Italian League chuan thu chhuah siamin, "Thawhṭanni khan Serie A club hruaitute inhmuhkhawm a ni a, club tam zawkin an duh angin season thar chu September 19 aṭanga khelh ṭan a ni ang," an ti. Season dang aiin krismas chawlh an nei tlem dawn. Nakkum January ni 3 leh ni 6-ah match an awm dawn, thlasik vanglaiin match an nei tawh dawn tihna a ni.
Football ni pawimawh
August 4, Thawhlehni La Liga nipui bazar an hawng
August 21, Zirtawpni Europa League 2019-20 Final
August 22, Pathianni French Ligue 1 2020-21 season ṭan hun
August 23, Thawhṭanni Champions League 2019-20 Final
September 1, Thawhlehni Serie A nipui bazar hawn hun
September 12, Inrinni Premier League 2020-21 leh La Liga 2020-21 season ṭan
September 18, Zirtawpni Bundesliga 2020-21 season ṭan hun
September 19, Inrinni Serie A 2020-21 season ṭan hun
September 24, Ningani 2020 UEFA Super Cup
October 1, Ningani Champions League 2020-21 Group Stage draw
October 2, Zirtawpni Europa League 2020-21 Group Stage draw
October 5, Thawhṭanni Premier League, Serie A, Bundesliga, La Liga nipui bazar khar hun