Rybakina-i'n a tawn san ber a thleng

Elena Rybakina chu Women's Tennis Association ranking chhuak tharah number 7 a ni a, Kazakhstan nula hian tennis a khelh chhunga ranking a neih san ber ṭum a tawng.

Season hmasa khan Rybakina hian Wimbledon title a la, mahse grass court inelna lianah hian Russian leh Belarus player tel an phal loh avangin ranking point a awm lo - champion mah se point 2000 hmuh theih a hmu lo tihna a ni.

Australian Open 2023-ah khan final a lut a, mahse Aryna Sabalenka a ngam lo. World number 2 Sabalenka nen bawk hian Indian Wells nomawi an inchuh leh a, chak zawkah ṭangin a ranking pawh a siamṭhat theih phah.

Hmeichhe ranking chung berah Iga Swiatek a la awm zel. Poland nula hian amah elphak a nei lo tia sawi theih a ni, tun season hman laiah pawh a chesual fe a nih ngawt loh chuan number 1 a nih tlang leh mai a rinawm.