Kum 40 chhung atan an hrem

Dutch club PSV Eindhoven chuan an club ṭantu pakhat, khelmual chhunga Sevilla goalkeeper Marko Dmitrovic beitu chu kum 40 chhung atan an hrem.

Europa League an khelh laiin stadium chhungah fan pakhat hi a tlan lut a, an khingpui Sevilla goalkeeper Marko Dmitrovic chu tharumin a bei.

Fan an hrem tak hi a hming tarlan a ni lo, club lamin an hrem hma hian an ram team inkhel thei thei lo tura hrem a lo ni tawh bawk - inkhel en theih loh bakah hian thla thum chhung taninah an khung ang.

Jail tan leh inkhel en thei loa hrem mai hi an la duhtawk lo, an khelmual Philips Stadium bul hnaiah kum hnih chhung kal lo turin an ti bawk.

PSV leh Sevilla inkhelh ṭum hian Spanish club hi 2-0 in an chak lo, mahse inkhel pahnih belhkhawmah 3-2 in an tlang ta tho.

Europa League champion vawi ruk ni tawh Sevilla hian quarterfinal-ah Manchester United an hmachhawn leh dawn a ni.