Sevilla-in Sampaoli an ban

Sevilla chuan an manager Jorge Sampaoli chu an result ṭhat tawk loh avangin an ban. La Liga-ah Sevilla hi 14-naah an awm a, relegation zone-a awm club nen an inkarah point hnih chauh a awm.

Chile leh Argentina coach hlui Sampaoli hian October thla khan a lo enkawl tawh ṭhin Sevilla-ah a kir a, match hnuhnung pasarihah vawi nga a chak loh avangin table-ah 14-naah an tla thla.

La Liga-ah Sevilla hi che ṭha lo mah se Europa League-ah erawh quarterfinal an lut a, Manchester United nen an inhmachhawn dawn. Spanish club chuan coach thar an zawn mek thu an sawi a, April 1 hian an hnuai chiaha awm Cadiz nen La Liga-ah an inhmachhawn ang.