France hmeichhe team enkawl tur Renard

FIFA World Cup hnuhnung bera Saudi Arabia enkawltu Hervé Renard chuan France hmeichhe national team a enkawl dawn. France hian tun thlatir khan an coach Corinne Diacre chu player lungawi lo an tam avangin an ban.

Hmeichhe World Cup hi July 20 – August 20, 2023 chhung hian Australia leh New Zealand-ah khelh a ni dawn a, France hmeichhe team hi ranking-ah pangana an ni mek.

Kum 54 mi Renard hian France hmeichhe team hi a enkawl a nih chuan ram panga a enkawlna tur chiah a ni dawn a, Saudi Arabia a kaihhruai hma hian Zambia, Ivory Coast leh Morocco te a enkawl tawh a ni.

Nikuma World Cup khelh zawh takah khan Renard-a kaihhruai Saudi Arabia hi an group-ah a mawngphahah awm mah se champion zui ta Argentina chu 2-1 in an hneh. Renard hi France rama piang a ni a, Ligue 1 club Sochaux (2013-14) leh Lille (2015) te a enkawl tawh a, France hmeichhe team hi a enkawl a nih chuan hmeichhe team a vawi khat enkawlna tur a ni ang.