Pedro hliam an zai

Chelsea forward Pedro chu a dar (shoulder) hliam zai a ni a, a chawlh chen tur la chiang lo mah se a dinhmun a ngaihtuahawm lo tih Spanish player hian instagram lamah a tarlang. Kum 33 mi Pedro hi Blues leh Arsenal ten FA Cup final an khelh ṭumin bench aṭangin a lut, hun tawp dawnah Gunners goalkeeper Emiliano Martinez nen an intauhna lamah a hliam.

Spain forward hian season nga a chamchilh tawh Chelsea tana a contract a hmang zo a, season tharah chuan Serie A club AS Roma a zawm dawn nia sawi a ni - a thuphung chuan inrem tawh mah se contract tak erawh an la ziak lo. Pedro chuan, "Tluang takin min zai a, rei vak lo hnuah ka lo kir leh thei ang. FA Cup-a kan chak lo kha a pawi ka ti hle, chutihrualin min thlawp tlat tute chungah ka lawm takzet," a ti.

Chelsea hian season kal laia Champions League khelh hmabak an la nei. German champion Bayern Munich nen last 16 second leg an khel dawn; London khawpuiah 3-0 a an tlawm tawh avangin thawh chhuah chu a harsa tawh khawp ang.