Mizoram hmeichhe team an inpeih

24th March, 2023

27th Senior Women's National Football Cham-pionship chu March 25, 2023 aṭangin Indira Gandhi International Sports Complex, Haldwani, Uttarakhand-ah khelh ṭan a ni dawn.

Mizoram aiawh tur hmeichhe team hian Kolasib-ah training an nei a, March 22, Nilaini zan khan inelna neihna hmun tur Uttarakhand panin Mizoram an chhuahsan.

Mizoram hi group II-ah a thlengtu Uttarakhand bakah Chandigarh, Pondicherry, Kerala leh Maharashtra te nen an awm ho a ni.