Second round-ah Sindhu a lut

Badminton inelna Swiss Open khelh laiah, champion nomawi kawltu PV Sindhu chuan second round a inhlangkai. Sindhu a chak lai hian Lakshya Sen erawhin hneh nei loin a tla nghal thung.

Olympic medal vawi hnih la tawh Sindhu hian Jenjira Stadelmann chu 21-9, 21-16 in a hneh, chak tur hian minute 32 bak hun a mamawh lo hial, nizan khan Putri Kusuma Wardani nen an inhmachhawn leh a, result kan hre hman lo.

Mipa singles lamah Sen-a chak lo mah se Kidambi Srikanth, H S Prannoy leh Mithun Manjunath te chuan second round an lut a, mipa doubles pair Satwiksairaj Rankireddy leh Chirag Shetty te pawh an match hmasa berah an chak.