Match hmasa berah Raducanu chak lo

US Open champion hlui pahnih inkhelah Bianca Andreescu chuan Emma Raducanu 6-3, 3-6, 6-2 in a hneh. British tleirawl hian beiseina sang tak nen Miami Open khel mah se hneh nei loin a zinkawng a tawp nghal a ni.

Kar hmasa khan Indian Wells khelh a ni a, player ṭha Andreescu hi Iga Swiatek hneh loin third round-ah a tla. Tournament hnuhnung aiin nasa takin hma a sawn, tun ṭumah hian aces vawi sarih a siam a, a khingpuiin break point vawi 12 a hmuh zinga 11 a inchhanhim.

Canadian nula hian a match lehpekah chuan Greek nula, seeded pasarihna ni bawk Maria Sakkari a hmachhawn leh ang. Tun hma aṭangin United States rama hard court inelna hi a inkhelh thiamna hmun a ni ṭhin.

Miami Masters-ah hian hmeichhe number 1 Swiatek chu chawpchilh takin a inhnukdawk thung. Polish nula hi a nak ruk a hliam a, hliam na tak ni lo mah se inkhelhpui ai chuang dam fel hmasak a thlang ta zawk.

Swiatek chuan, "Doha Open kan khelh zawh khan na chu ka nei tawh, inkhelhpui theih hram hram chu a ni. Mahse tunah chuan inenkawl dam phawt a ngai, ka inkhelh theih hun tur chu ka la sawi leh thuai ang," a ti.