UCL-a PSG champion pui tumtu Verratti

Marco Verratti chuan Paris Saint-Germain chhuahsan a la tum lo, Italian midfielder hian French club hi UEFA Champions League nomawi chawipui ngei a tum.

Kum 30 mi Verratti chuan, "Ka hmalam hun ka sawi lawk thei lo. PSG-ah ka hlim a, ka duhthusam chu Paris tana UCL champion a ni. Chumi tur chuan theihtawp ka chhuah ang," tiin a sawi.

Verratti hian Pescara aṭangin kum 2012 khan PSG hi a zawm a, French club tan hian kum 10 chuang a khel tawh. Mak ang reng tak erawh Italian midfielder ṭha ber zinga mi hian Serie A a la khel lo a, PSG a zawm hmaa a club khelhna hi Serie B club a ni.