Mitchell-a'n Monaco a chhuahsan

Monaco sporting director Paul Mitchell chuan French club a chhuahsan tur thu a puang. Kum 41 mi Mitchell hian June 2024 thleng contract a nei a, Monaco-in amah thlaktu an hmuh hunah Ligue 1 club hi a chhuahsan ang.

English mi Mitchell chuan, "Thutlukna harsa tak a ni. Monaco-ah tawnhriat ṭha tak ka neih belh a, president Dmitry Rybolovlev-a'n min thlawp ṭha bawk. Ka contract pawhsei chungchang te pawh kan sawi a, amaherawhchu mahni chenna leh chhungte ka kalsanna a rei tawh. Monaco-a ka hmachhawp angte ka zo tawhah ka ngai bawk," tiin a sawi.

Mitchell hi kum 2020-a Monaco a zawm hma hian MK Dons, Southampton, Tottenham Hotspur leh RB Leipzig-ah te player laluttu zingah a lo ṭang tawh a, hetia club nei loa a awm takah chuan Premier League club lam pawhin an ngaihven ang.