India hmachhawn tur a hriat

Badminton mipa leh hmeichhe team inelna Thomas Cup leh Uber Cup-ah India hmachhawn turte a hriat a, harsa lutuk loin group stage an paltlang thei tura ngaih a ni.

Inelna hi October 3-11 chhungin Aarhus, Denmark-ah neih a ni ang. Thomas Cup-ah India hi group C-ah awmin, an group-ah hian Denmark, Germany leh Algeria te nen an awm khawm.

India nulate inlanna tur Uber Cup lamah chuan group D-ah India, China, France leh Germany an awm thung. Group pakhata awmte hi an inkhelh kual hnuah a sang pahnihin quarterfinal an lut ang. Tun dinhmunah chuan coronavirus vangin badminton inelna an chawl lailawk mek. Badminton World Federation (BWF) chuan engtik hunah nge tournament khelh chhunzawm theih a nih dawn an la sawi chiang lo.