Third round-ah Gauff leh Pegula an lut

Miami Open khelh laiah seeded parukna Coco Gauff leh Jessica Pegula te chuan third round an inhlangkai a, vawiin hian round of 32 an khel chhunzawm leh nghal ang.

American tleirawl Gauff hian Rebecca Marino chu 6-4, 6-3 in a hneh, seeded 27-na Anastasia Potapova nen an inhmachhawn leh ang - seeded parukna Gauff tan hna a hautak hret tawh dawn.

Gauff chuan, "Chet fuh leh fuh loh kar ka ngah, chuti chunga hnehna ka chang thei hi ka lawm. Ka service vawi thum ngawt ka hloh a, chu chu set hnih chhunga thil thleng a ni, insiamṭhat ngai lai ka ngah hle," a ti.

Inkhel dangah seeded pathumna Jessica Pegula chuan Katherine Sebov 6-3, 6-1 a hnehin third round a lut. Ani hian world number 30 Danielle Collins a tum dawn - Collins hian Viktoriya Tomova a lo hneh ve thung a ni.