Evan Ferguson-a'n ram tan goal a khung

Brighton & Hove Albion forward Evan Ferguson chuan Republic of Ireland tana a goal hmasa ber chu Latvia lakah a khung. Ningani zan friendly match-ah Ireland tan Ferguson bakah Callum O'Dowda leh Chiedozie Ogbene ten an khung a, Latvia 3-2 in an hneh.

Ferguson hi kum 18 mi chauh a ni a, tun season-ah Brighton tan match 16 khelin goal sarih a khung tawh. Feet ruk leh inches hniha sang striker Ferguson hian theihna sang tak a nei a, Premier League-ah pawh goal thum a khung tawh.

Brighton forward Ferguson chuan, "Premier League-a goal khung aiin ram tana goal khung a nuam zawk," tiin a sawi.