Hliam vangin Monfils inkhel zo thei lo

Hun rei tak chhung hliam vanga a chawlh hnuah Gael Monfils a lo kir ve leh ṭan chauh a, mahse hliam vang bawkin Miami Open an khelh laiah a inlan tluan thei lo, atan tennis hun hnuhnung lam a ni ta.

Nimin zing inkhelah Monfils hi Ugo Humbert nen an inhmachhawn, set hmasa berah 3-3 a nih laiin Monfils a hliam. Kar hmasa khan Indian Wells lamah Jordan Thompson chu straight set hmangin a ngam lo tawh bawk.

Kum 36 mi Monfils chuan, "A chhan pawh ka hre tawh bik lo, vanduai a kaltluan laklawh tawh hi chuan engkim mai hi a harsa tawh ṭhin, ka tan chuan dawhthei taka nghah bak chu tih theih dang a awm lo," a ti.

Nikum khan Monfils hi a ke artui an zai a, clay court inelna lian French Open a khelh theih loh bakah grass court season a hmang thei lo. A kum a tam ve tawh a, a duh aia hmain tennis a chawlhsan a nih pawhin a mak lo ang.