Knicks hnehtu Magic

Paolo Banchero-a'n hun tawp dawnah 3-points a vawm lut zauh a, hetih lai hian minute khat leh second 26 chauh a awm tawh - free throw vawi hnih nei zui lehin Orlando Magic chu New York Knicks lakah 111-106 in a chakpui.

Orlando tan hian Cole Anthony chuan point 18 a nei bawk a, point 16 neitu Wendell Carter Jr a che ṭha bawk. Hliam vangin Julius Randle-a'n quarter hnuhnung ber a khel thei lo, mahse point 16 chu a nei hman tho.

Inkhel dangah Los Angeles Clippers chuan Oklahoma City Thunder 127-105 in an hneh. Hliam vangin Paul George a inlan thei lo a, khup na vangin player pawimawh tel lo mah se Clippers hian harsatna lian tham an tawk lo.

Nimin zing NBA regular season inkhelah - Cleveland Cavaliers leh New Orleans Pelicans te pawhin an khingpui ve ve an hneh ve bawk.