Double Champion Lalrina Renthlei

Mizoram Snooker & Billiards Association (MSBA) chuan March 14-25 inkar khan Hawla Indoor Stadium, Republic Vengthlangah Mizoram State Snooker C'ship & 6 Red Snooker C'ship 2023 an buatsaih a, inelna pahnihnaah hian Lalrina Renthlei a champion ve ve.

Lalrina Renthlei, Tuikhuahtlang hi infiamna lamah mi bik a ni a, Mizoram chhunga snooker leh billiards inelnaa player ṭha ber zinga mi a nih bakah Mizoram basketball inelna sanga Mizoram Super League-ah player langsar a ni.

MSBA inelna buatsaih lai hian MBBA lamin MSL an buatsaih ve mek bawk a, Lalrina hian MSL final khel chungin Snooker leh 6 Red Snooker-ah pakhatna a ni tho.

MSBA hian February thla khan Saikuti Hall, Lungleiah Mizoram State 8 Ball & 9 Ball Pool C'ship 2023-ah hlawhtling takin inelna an buatsaih tawh bawk a ni.