India tlangval an champion

Badminton inelna Swiss Open Super 300 men’s doubles final-ah Satwiksairaj Rankireddy leh Chirag Shetty te an chak. Indian player pahnih hian Ren Xiang Yu leh Tan Qiang te ṭangdun chu 21-19, 24-22 in an hneh.

Satwik leh Chirag te hian semifinal-ah Ong Yewsin leh Teo Eeyi te ṭangdun chu 21-19, 17-21, 21-17 in an hneh bawk a, Malaysian player hneh tur hian darkar khat leh minute kua hun an hmang hial.

January thla khan India pair hian Malaysia Open Super 1000-ah semifinal an thleng a, tun season kal laiah erawh tournament an khelh zingah Swiss Open hi final an luhna hmasa ber niin, an champion zui bawk avangin an tan chuan sulhnu ṭha tak a ni.