Myanmar leh Kyrgyz Republic inhnehtawk

Hero Tri-Nation International Football Tournament khelh mekah Inrinni zan khan mikhual team pahnih Myanmar leh Kyrgyz Republic te an intawng a, 1-1 in an inhnehtawk.

Myanmar tan striker chhuanvawr Aung Thu chuan minute 82-naah inkhela goal awmchhun a khung a, match hmasa bera India laka an tlawm hnua chak mamawh Myanmar-in an chak dawnah an inngai hman.

Mahse, hun pek belh minute ruknaah Kairat Zhyrgalbek Uulu chuan Kyrgyzstan tan si phurh a sut a, 1-1 in inkhel a tawp - match khelh tur khel zo tawh Myanmar tan beisei tur a awm tawh lo.

Khuman Lampak Stadium, Imphal-a inelna neihah India chuan Thawh-lehni zan dar 6:00 hian an match hnuhnung ber an khel dawn a, Kyrgyzstan nen an intawng dawn.

Lallianzuala Chhangte telna India tan nomawi chawi turin draw result neih a tawk a, Kyrgyz Republic tan chak ngei ngei a ngai thung.