Jersey thar nen United inlan dawn

Manchester United chuan zanin dar 12:30-a LASK an mikhual hunah an jersey thar an ha ṭan dawn. Ole Gunnar Solskjaer hote hian Austrian club hi khualmualah 5-0 in an hneh tawh a, player ṭha ṭhenkhat a awltir a nih pawhin a mak lo ang.

Europa League khel tur squad-ah United-in  Luke Shaw leh Axel Tuanzebe te an tel lo a, defender pahnih hi hliam vangin tun season-ah an inlan thei tawh dawn lo. Covid-19 hnuah la inlan lo mah se Phil Jones hi  chu squad-ah dah luh a ni.

Youth-team captain Teden Mengi bakah defender Ethan Laird leh midfielder Ethan Galbraith te pawh squad-ah dah niin Premier League match tawp lama inlan Tim Fosu-Mensah pawh squad-ah  a awm. First leg-a 5-0 a an chak ṭumin United tan Odion Ighalo, Daniel James, Juan Mata, Andreas Pereira leh Mason Greenwood ten goal an khung. English forward Greenwood hi league-ah a inlan tam avangin a awl a rinawm a, midang zawng erawh an khelh a beiseiawm hle. Chutihrualin Leicester City laka goal khungtu Jesse Lingard chu Pereira aiin a buk a rit thei ang.