Casillas-a'n football khelh a chawlhsan

Real Madrid leh Spain goal-keeper hlui Iker Casillas chuan nimin khan kum 39 mi niin football khelh a chawlsan thu a puang. 

Casillas hi Real Madrid tan kum 16 chhung vawi 725 a inlan a, Champions League vawi thum leh La Liga nomawi vawi nga a chawipui. Spain ropui vanglaiin Casillas hi rinrawl a ni a, 2010 World Cup bakah Euro 2008 leh 2012-ah an ram hi an champion. Real Madrid aṭangin kum 2015 khan Porto a pan a, April 2019 khan training laiin heart attack a nei.

Spanish keeper hi heart attack a neih hnuah khelmualah a inlan leh thei tawh lo a, July 2019 khan Porto-in Casillas hi coaching staff-ah hna an pe. Amaherawhchu nimin khan official-in football khelh a chawlhsan thu a puang chauh.

Casillas chuan, "A pawimawh ber chu kan kawng zawh leh kan thurualpuite an ni. Timna nei miah loin ka duhthusam kawng ka zawh ka ti thei ang," tiin khawvela keeper hlawhtling ber zinga mi chuan a chawlh thu a sawi.