Inter-District Junior Boys Football ; Champhai an chak chiang

Mizoram Football Association buatsaih Inter-District Junior Boys Football Championship chu nimin khan khelh ṭan a ni a, Kolasib-a neih inelnaah hian Champhai DFA chuan 5-1 ngawtin Lunglei DFA an sawp.

Hetihlai hian inkhel ngaihven hlawh dangah Mamit DFA leh Aizawl DFA chu 1-1 in an inhnehtawk a, Saitual DFA-in 2-0 a Siaha DFA hnehin, Khawzawl DFA chuan 3-1 in Lawngtlai DFA an hneh bawk.

Inelnaah hian MFA hnuaia district 11 an tel vek a, group paliah ṭhen hran an ni. Group A-ah Champhai, Kolasib, Lunglei, group B-ah Hnahthial, Saitual, Siaha, group C-ah Khawzawl, Lawngtlai, Serchhip, group D-ah Aizawl leh Mamit te an awm - group tina a sang pahnih hian quarterfinal an lut dawn a ni.

Kolasib DFA chuan inelna hi thlengin, Kolasib Sports Stadium leh Regional Sports Training Centre-ah te an khel - vawiinah khelh chhunzawm tur niin, inelna thlengtu Kolasib DFA leh Lunglei sawptu Champhai inkhel tur hi boruak a 'hot' ang.