Netherlands-in Gibraltar an hneh

Euro 2024 qualifier-a an match hmasa berah Netherlands-in France an ngam lo a, 4-0 ngawtin an mualpho. Match hnihnaah erawh team nem zawk Gibraltar hmachhawnin, insiamṭhatna hun remchang an nei a, an hun neih an bawhpelh lo - Ronald Koeman-a team hi 3-0 in an chak.

Netherlands tan Memphis Depay chuan goal hmahruai khungin, Nathan Eke chuan goal khat a thawh ve bawk -FIFA ranking-a 200-na ni mek Gibraltar tan Dutch team em hmachhawn chu a harsa hret a, kut ruakin an haw.

Feyenoord khelmual De Kuip-a inkhelah Netherlands hian inkhel an thunun tluan chhuak zak a, 86% ball chang chungin vawi 51 shot an nei a, Gibraltar hian shot an nei ve miah lo thung.

Ake lansarh zan

Netherlands-in inkhel hamrik a rik aṭangin inkhel an thunun nghal a, chuti maia awlsam erawhin goal an khung bik lo. Minute 23-naah Denzel Dumfries-a siamsak chu Depay chuan goal hmahruai ni turin a tauh lut a, inkhel an thunun chhunzawm.

Mahse, mak takin first half chhungin Netherlands-in goal an khung belh a, goal dang hlawh chhuak turin chawlhlawk an hman phawt a ṭul. Second half ṭan aṭanga minute nganaah Dutch team hian an goal hnihna an khung zui a, Dumfries-a siamsak bawk chu Ake chuan ṭha zetin a tauh lut.

Gibraltar an tho tawh dawn lo tih a chiang a, a tichiang lehzual turin minute 51-naah midfielder Liam Walker chu Netherlands tana a match hmasa ber kheltu, Mats Wieffer laka hlauhawm taka a chet avangin hnawhchhuah a ni a, a hnufual zawk hi player 10-in an khel zui.

A lungthu kimna

Hun tawp nan minute riat chiah a awm tawh a, City defender Ake-a'n goal khung a tui laklawh. Daley Blind-a ball pek chu penalty box pawn aṭangin a pet a, shot na tawk lo mah se Gibraltar keeper Dayle Coleing-a'n ball kal dan chhut sualin, goal-ah a lut.

Netherlands-in harsatna nei loin hnehna an chang a, hetihrual hian Dutch team tan Gibraltar laka hnehna chan hi fiahna a tling zo lo a, coach Ronald Koeman-a'n insiamṭhat an mamawhna lai a zirchian a ṭul.

Barcelona boss hlui vanneihna chu international break a tawp zui hi a ni a, 2018 - 2020 inkara Dutch team lo enkawl tawh hian June 14-a Croatia nen Nations League semifinal an khelh hma ngeiin a team a siam thar a ṭul ang.

Team danglam

Spain nena inṭhenawm Gibraltar hi ram lian tak an ni lem lo - mipui 30,000 chuang awrh chenna niin, an ram tana goal khung hnem ber Roy Chipolina leh Liam Walker te hian goal nge ve ve chiah an la khung a, nikum chhung zawng khan vawi hnih chak nei vein Liechtenstein (2-0) leh Andorra (1-0) an hneh.

Netherlands lakah forward Lee Casciaro chu inlan lehin, kum 41 leh ni 179 mi hian Euro qualifier-a ram tana inlan thei upa ber record a siam chu a chhunzawm - an ram club Lincoln Red Imps tana khelin, Gibraltar Defence Police-a hna thawk lai a ni bawk.

Gibraltar tan hian Netherlands-a piang Niels Hartman chuan a match hmasa ber a khel a, kum 21 mi hi minute 86-naah luhtir niin, England-a Loughborough University zirlai niin, an University football team tan a khel a ni.

Coach leh a chhevel

World Cup 2022-a beisei an phak loh hnuin Netherlands chu coach Louis van Gaal-a'n a chhuahsan a, a hmun ruakah a thlak tak Koeman bawk a lo kir - player a nih lai pawha player ṭha Koeman hian Ajax, Benfica, PSV Eindhoven, Valencia, Southampton, Everton leh Barcelona chu club a lo enkawl tawh zingah an tel.

Gibraltar boss Julio César Ribas hi Koeman ang emin langsar lo mah se, coach tawnhriat nei ṭha tak a ni. Player a nih lai pawhin Uruguay tan match 15 lai a khel thei a, an ram club lar Peñarol, Liverpool, Juventud de Las Piedras leh Deportivo Maldonado te pawh a enkawl tawh.

International football-ah chuan Gibraltar hma hian Oman a lo enkawl tawh a, an ram team-a a player zingah Nicholas Pozo chu ram pawn club tana khel awmchhun niin, kum 18 mi midfielder hi La Liga club Cádiz youth team tan a khel mek.