Andreescu inkhel tluan thei lo

Miami Open khelh laiah, champion tura rinkai zinga mi Bianca Andreescu chu nimin khan Ekaterina Alexandrova nen an inkhelh laiin a kerek vei lam a hliam a, inkhel chhunzawm thei loin a inhnukdawk.

US Open champion hlui hian Ekaterina Alexandrova lakah set khatna chu 7-6 (7-0) in a hloh, set hnihnaah erawh 2-0 a hma hruaiin a dinhmun a ṭha hman viau, mahse hliam vangin a khel chhunzawm thei ta lo a ni.

Canadian nula Andreescu chuan, "Tun anga hliam na hi ka la tawng ngai lo," tiin a sawi, a chawlh chen tur tak la hriat ni lo mah se hun rei deuh tak chhung chu tennis a khel thei dawn lo tih a chiang.

Andreescu hian tun hmain hliam na angreng tak a lo tawk tawh bawk. Kum 2021 khan Ashleigh Barty nen an inkhelh laiin a kerek ding lam a lo ti hliam tawh bawk a, kum 2020 pumpui kha hliam vangin a lo buai tawh bawk.