Last 16-ah Tsitsipas a lut

Stefanos Tsitsipas chuan Cristian Garin chu 6-3, 4-6, 6-4 a hnehin Miami Open khelh laiah last 16 a inhlangkai. Greek tlangval hian quarterfinal lut tur chuan Karen Khachanov a paltlang leh a ngai dawn.

Tsitsipas hi dar (shoulder) hliam vanga buai lai a ni a, mahse a inkhel lui tho. Chilean player lakah vawi 12 ngawt aces a vaw chhuak thei tho a, a khingpuiin break point vawi li a hmuh zinga pathum chu a pawtthla leh thei bawk.

Mipa singles inkhel dangah Francisco Cerundolo chuan seeded pangana Felix Auger-Aliassime 6-2, 7-5 in a hneh. Tun thla tir mai khan player pahnih hi an intawng, Argentine tlangval hian Indian Wells lama a ngam loh a hneh let ta a ni.

Hmeichhe singles lamah Elena Rybakina chuan Elise Mertens hnehin nomawi a beisei chhunzawm. Indian Wells champion hian 6-4, 6-3 in hnehna a chang - season hmasa Wimbledon title la theitu hian nizan khan Martina Trevisan nen an inkhel zui a, result kan hre hman lo.