Youth C'ship-ah Indian lifter-in bronze la

IWF World Youth Championships chu Durres, Albania-ah neih mek a ni a, Indian weightlifter Bharali Bedabrate chuan 67 kg category-ah bronze medal a la.

Thawhṭanni zana inelna neihah hian kum 15 mi Bedabrate chuan 267kg (119kg+148kg) a chawi a, Armenian lifter Seryozha Barseghyan 275kg (128kg+147kg) leh Saudi Arabian lifter Mohammed Al Marzouq 270kg (119kg+148kg) te a tluk lo a ni.